🗓 2025-yil 26-iyun kuni O‘zbekiston Respublikasi Prezidenti “Jinoyat ishini yuritish chog‘ida qamoqda saqlash to‘g‘risida”gi Qonunga qo‘shimcha kiritishni nazarda tutuvchi qonunni (O‘RQ–1072-son) imzoladi.
Ushbu huquqiy o‘zgartirishga binoan, qamoqqa olingan shaxs tergov hibsxonasiga joylashtirilishidan oldin majburiy tibbiy ko‘rikdan o‘tishi shart.
Mazkur modda qamoqqa olinganlarning sog‘lig‘i holatini huquqiy kafolat asosida baholashga va ehtimoliy qiynoqlarning oldini olishga qaratilgan.
Endilikda, tergov hibsxonasiga olib kelingan shaxslar 2 soat ichida majburiy tibbiy ko‘rikdan o‘tadi. Bu ko‘rik qamoqqa olish vaqtida salomatlik holatini hujjatlashtirish va ehtimoliy qiynoqlarni oldindan aniqlash uchun mo‘ljallangan.
⚖️ Advokat ishtiroki mumkin
Agar qamoqqa olingan shaxs rozilik bildirse, tibbiy ko‘rikda uning advokati ishtirok etishi mumkin. Bu huquqiy kafolat sifatida muhim ahamiyatga ega.
📋 Natijalar rasmiylashtiriladi
Ko‘rik natijalari maxsus tibbiy ma’lumotnoma ko‘rinishida hujjatlashtiriladi. Agar jarohat yoki tan jarohatlari aniqlansa, bu holatlar qayd etiladi, shaxsning o‘zi xabardor qilinadi va prokurorga zudlik bilan xabar beriladi.
✅ Ushbu o‘zgarish qiynoqlar va noqonuniy muomalalarning oldini olish uchun huquqiy asos bo‘lib xizmat qiladi.