Farg‘ona viloyatidagi chegara-bojxona postlaridan birining boshlig‘i xizmat mavqeidan foydalanib, fuqaroning Qirg‘iz Respublikasidan olib kelgan 80 dona “iPhone-16” telefon apparatlarini tegishli rasmiylashtirishsiz o‘tkazib berishga yordam berish evaziga undan 5000 AQSh dollari hamda 1 dona “iPhone-16 Pro” telefon apparatini talab qilgan.
DXX Farg‘onadagi tezkor tadbir video lavhasi
Davlat xavfsizlik xizmati (DXX) xodimlari tomonidan o‘tkazilgan tezkor tadbirda bojxona organlari podpolkovnigi pora va moddiy qimmatliklarni olayotgan paytda ashyoviy dalillar bilan qo‘lga olindi.
Hozirda mazkur mansabdor shaxsga nisbatan Jinoyat kodeksining 210-moddasi (pora olish) bo‘yicha jinoyat ishi qo‘zg‘atilib, qamoq ehtiyot chorasi qo‘llanildi.