Prezident farmoni bilan Azizbek Israilovich Ikromov O‘zbekiston favqulodda vaziyatlar vaziri lavozimiga tayinlandi, deb xabar qildi prezident matbuot kotibi Sherzod Asadov. Bungacha Ikramov nomzodi Oliy Majlis Qonunchilik palatasi deputatlari tomonidan ma’qullangan.
Avval bu lavozimni egallab kelgan Botir Bahromovich Qudratxo‘jayev prezidentning farmoni va qarori bilan O‘zbekiston Respublikasi ichki ishlar vazirining birinchi o‘rinbosari — Tezkor-qidiruv departamenti boshlig‘i lavozimiga tayinlandi.
Azizbek Ikromov 1978 yil 10 iyunda Toshkent shahrida tug‘ilgan. 1996–2000 yillarda IIVning Yong‘in xavfsizligi bo‘yicha oliy texnik maktabida tahsil olgan. 2000–2017 yillarda IIV Yong‘in xavfsizligi bosh boshqarmasida xizmat qilib, bosh mutaxassisdan boshqarma boshlig‘i o‘rinbosarigacha bo‘lgan turli lavozimlarda ishlagan.
2017 yilda u tarbiyaviy va mafkuraviy ishlar bo‘yicha mudofaa vaziri o‘rinbosari etib tayinlangan va bu lavozimni 2019 yilgacha egallagan.
2019 yildan buyon Ichki ishlar vazirligida ishlagan: Ma’naviy-ma’rifiy ishlar va kadrlar ta’minoti departamenti boshlig‘i sifatida ham, jamoat tartibini saqlash bo‘yicha vazir o‘rinbosari sifatida ham.
2023 yil iyul oyida Ikromov Farg‘ona viloyati ichki ishlar boshqarmasiga rahbar etib tayinlangan.