Yangi Soliq qo‘mitasi raisi etib Farrux Pulatov tayinlandi. Shu munosabat bilan u Iqtisodiyot va moliya vazirligi huzuridagi Kadastr agentligi direktori lavozimidan ozod qilindi.
Ilgari Soliq qo‘mitasiga rahbarlik qilgan Sherzod Kudbiyev Prezident farmoni bilan yangi tashkil etilgan Urbanizatsiya va uy-joy bozorini barqaror rivojlantirish milliy qo‘mitasi raisi etib tayinlandi. Uning avvalgi lavozimidagi vakolatlari bekor qilindi.
Urbanizatsiya va uy-joy bozorini barqaror rivojlantirish qo‘mitasi bugun tashkil etildi.
Sherzod Kudbiyev 2023-yil avgustidan boshlab Soliq qo‘mitasiga rahbarlik qilgan. Ungacha sakkiz oy davomida iqtisodiyot va moliya vaziri lavozimida ishlagan. 2020-yil mayidan 2022-yil oxirigacha Davlat soliq qo‘mitasini boshqargan. Avvalroq prezidentning davlat xizmati va vakillik organlari bilan hamkorlik masalalari bo‘yicha maslahatchisi, bandlik va mehnat munosabatlari vaziri, Mirzo Ulug‘bek tumani hokimi va boshqa lavozimlarda ishlagan.
1979-yilda tug‘ilgan Farrux Pulatov avvalroq Bosh prokuratura huzuridagi Soliq va valyuta jinoyatlari hamda jinoyat daromadlarini legallashtirishga qarshi kurashish departamentining Farg‘ona boshqarmasiga rahbarlik qilgan (hozirda — Iqtisodiy jinoyatlarga qarshi kurashish departamenti). 2001-yildan boshlab Farg‘ona va Namangan viloyatlarida prokuratura organlarida ishlagan. 2018-yil iyulidan 2022-yilgacha “Uzdonmahsulot” kompaniyasini boshqargan.
Yangi Soliq qo‘mitasi raisining tayinlanishi qo‘mita faoliyatida qonunchilikka qat’iy rioya etilishi bo‘yicha kutishlarni kuchaytirmoqda. Menda uy-joyga egalik qilmagan davr uchun mol-mulk solig‘i undirilgani, bu Soliq kodeksiga zid ekani bilan bog‘liq holat bo‘lgan. Shuningdek, Soliq qo‘mitasiga murojaat qilganimga qaramay, pensiya yoshiga yetganim sababli o‘zini o‘zi band qilgan shaxs sifatida ro‘yxatdan o‘tolmadim. Hozirda O‘zbekistonda pensiya yoshidagi shaxs faqat taksi haydovchisi sifatida o‘zini o‘zi band qilgan shaxs bo‘lib ro‘yxatdan o‘tishi mumkin. Natijada soliq yukim yoshroq hamkasblarga qaraganda ancha yuqori.