O‘zbekiston prezidenti Shavkat Mirziyoyev Qatar amiri Tamim bin Hamad Ol Soniy bilan telefon orqali suhbatda Isroilning yaqinda Dohaga uyushtirgan raketa hujumlarini qat’iy qoraladi.
O‘zbekiston prezidenti Shavkat Mirziyoyev Qatar amiri Shayx Tamim bin Hamad Ol Soniy bilan telefon orqali muloqot o‘tkazdi.
Suhbat davomida o‘zbek yetakchisi Isroil tomonidan Qatar poytaxti Dohaga uyushtirilgan raketa hujumlarini qat’iy qoraladi. Mirziyoyev bunday harakatlar davlatning mustaqilligi va suverenitetini buzishini hamda uning xavfsizligiga tahdid solishini ta’kidladi.
Qayd etilishicha, bu zarbalar BMT Nizomi, xalqaro huquq normalari va tamoyillariga zid keladi. O‘zbekiston xalqaro munosabatlarda kuch ishlatishning har qanday shakliga va Yaqin Sharqda vaziyatning yanada keskinlashuviga olib keladigan qadamlarni rad etadi.
O‘z navbatida Qatar amiri ko‘rsatilgan birdamlik va qo‘llab-quvvatlov uchun chuqur minnatdorlik izhor etdi.