O‘zbekiston Prezidenti Shavkat Mirziyoyev 21-yanvar kuni AQSh Prezidenti Donald Trampning taklifiga binoan ish safari bilan Shveysariyaga jo‘nab ketdi. Safar maqsadi — Davosda bo‘lib o‘tadigan Tinchlik kengashi nizomini imzolash marosimida ishtirok etishdir. Kengashni tuzish tashabbusi amerikalik tomon tomonidan ilgari surilgan.
O‘zbekiston Prezidenti matbuot xizmati xabariga ko‘ra, Mirziyoyev avvalroq Tinchlik kengashiga ta’sischi davlat sifatida qo‘shilish taklifini qabul qilgan.
Donald Trampga yo‘llagan maktubida O‘zbekiston Prezidenti bu tashabbusni Yaqin Sharqdagi uzoq davom etayotgan mojarolarni hal etish, shuningdek, mintaqada tinchlik va barqarorlikni ta’minlash yo‘lidagi muhim qadam sifatida baholaganini ta’kidladi.